منتدى همســـــــــــــــــــــات العاشـــــــــــــــــــقين

كل مايخص الشعر والقصص الأدبية والخواطرالشعرية
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 لاأدري ماذا اسميها

اذهب الى الأسفل 
كاتب الموضوعرسالة
m5-ys



ذكر
عدد الرسائل : 117
العمر : 37
تاريخ التسجيل : 21/03/2008

مُساهمةموضوع: لاأدري ماذا اسميها   السبت مارس 29, 2008 8:19 am

"يضيق صدري كل ماهبت علي من الجنوب
نسايم ماملت طعوني وقلبي ملها
وارقى على مرقاب حزني واتحرى للغروب
وأمسك جدايل هالحياة المدبرة وافلها
واشوف وشلون الليالي تدور في الوقت اللعوب
وأجمع مسائل هالبشر في دفتري وأحلها
وألعن أبو الحظ الردي وأستغفر الولى وأتوب
وأقول يالله انك تعين الي صبر ثم شلها
وياسعود قربلي مادام الوقت والعمر محسوب
واسمع ياخوك أبيات من جوفي نويت أتلها
لاصارت الدعوة مابين ضلوع صدري والهبوب
بقولها والي عقد روس الحبال يحلها
وش عاد نرجي من زمن صارت به أكبر الذنوب
انك على الباطل سيوف الحق تنوي سلها
اسلامك أصبح متهم والنور غيب ومحجوب
دروبهم ياكثرها ودروبنا ياقلها
خويي ماتصلاه نار الكفر ونشوفه يذوب
وحنا نترجى من عجوز الغرب ترهي ظلها
لاعاد به فزعه ولاغيره وحيلتنا يادوب
نسجب ونستنكر عسى تنسمع او علها
صار التنافس بالطرب من أولويات الشعوب
الغانية صفق لها والراقصه طبلها
والموضه تحاصر تقاليد العرب من كل صوب
تفوح دلتنا زعل وأعوانهم تزلها
والكل منا يشوف نفسه للتخاذل مغصوب
حلوقنا ميته عطش يالله طلبتك بلها
يالله سترك من علوم في خواطرنا تجوب
رحماك سهلها علينا دقها مع جلها
وياسعود خذها من نمط حكي على لسان القلوب
اربع نصائح لحياتك ياعسى توصل لها
المرجله هي البلد وأفعال يمناك الدروب
الآدمي يولد غريب ولا تسنع دلها
والكايده تبغى ولد ماهو بطماع وكذوب
الرابح الي نفسه لربه يقدر يذلها
وترى الكرم عند العرب يغطي آلاف العيوب
وانك بخيل تساوي عيوب العرب ذي كلها
واحذر تحسب ان كل بير بدنيتك به ماء شروب
واذا تجاهلت العواذل بتموت بغلها
وأنا بودع راس مرقابي اذا حل الغروب
وبقول يالله انك تعين الي صبر ثم شلها
(اعذروني على الاطاله)"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لاأدري ماذا اسميها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى همســـــــــــــــــــــات العاشـــــــــــــــــــقين :: ~*¤®§(*§ همسات شعرية §*)§®¤*~ :: ۝ஊ»الشعر الشعبي«ஊ۝-
انتقل الى: